Pou Ārahi Wharekura (DP Tau 8-13)

E rapu ana mātou i tētahi Pou Ārahi Wharekura (Tau 8-13) kua taunga ki te whakangungu kaiako me te tautoko i te whanaketanga ngāio o te hunga mahi, e mōhio ana ki ngā tūkanga aromatawai NCEA me ngā tini rautaki o ngā āhuatanga ako. E kaha ana ki te ārahi i ngā kaiako me ngā ākonga, kia tū rangatira ai rātou i roto i te ao Māori me te ao whānui. Me nui rawa te whakapono ki ngā mātāpono o Te Aho Matua me ngā āheinga ki te whakatinana i ōna uara. Waihoki me matatau ki te reo rangatira me ōna tikanga Māori. Ka tāpiri ake ki te tūnga nei te MITA me ētahi ūniti pūmau e 3. Ki te hiahia koe i te puka tono whakapā mai ki te tumuaki, ki a primene@kkmow.school.nz . Ka tukua mai anō hoki i tō tātai pūmanawa, me tētahi reta e whakamārama ana i ōu tūmanako mō te reo me ngā tikanga a kui mā a koro mā. Ka kati ngā tono hei te 3pm a te 9 o Oketopa 2026. Mehe he pātai āu, whakapā mai ki te īmera a te Tumuaki, ka waea mai rānei 027 4365 962.