Kaiako - Wharekura

E rapu ana Te Kura aa Iwi o Ngaati Kauwhata i tētahi kaiako mo te wharekura ki te whakakī mai i tētahi tūranga. ka tīmata i te wahanga tuatahi 2027 Ko te whakatauākī e kawe nei i ngā wawata o tō mātou kura, ko: Oroua Rourou Kai Rourou ki uta, Rourou ki tai, Oroua tangata ki te ao-tuuroa He kura aa iwi mātou, Ko te marau aa Iwi te tūāpapa o tō mātou nei kura. E whai atu tō mātou kura i ngā tikanga me ngā kawa o Waikato, Tainui. He mema anō hoki mātou o Te Rūnanga Nui o ngā Kura ā Iwi o Aotearoa. E hiahia ana mātou i; He tangata e mātau ana ki te ao mātauranga me ōna marautanga. He tangata pūmau ki ngā tikanga, ngā kawa, te reo me tona mita Tainui. Ina ia hoki he whakapapa ki Ngaati Kauwhata, ko te painga anō hoki tērā. He kaiako e ngākaunui ana ki te whakawhanake i ōna ākonga kia whai wheako ai rātou ki te eke ki roto i te NCEA, ā, e mātau ana ki te Pūtaiao, Ngā Toi, Pangarau. He ngākau nui ki te tuitui, ki te whakapakari me te whakahāo i ngā tāonga hei koropū mo te iwi ki ngā tau anamata. E wātea ana te ‘Māori Immersion Teachers Allowance (MITA)’. He tūranga hoki tēnei kia poipoia hei kaiārahi (ka whai utu mō ngā mahi e hāngai ana ki āu haepapa) Kua tono hoki mātou ki te Teaching Bond Scheme, ā, kua whakaaetia e te MOE tā mātou tono. Ka whakawhiwhia te kaitono ki te $40,000 hei tautoko i tēnei tūnga. Tukuna mai tō tono me ngā kōrero hāpai pukenga (CV) hei tirotiro mā mātou. Hei te 27 o Whiringa a nuku , 4 karaka i te ahiahi ka aukati i ngā tono. Tono mai ki : Amohia Rolls tumuaki@kauwhata.school.nz, 06 3289895