Kaiako Rūmaki – Ngā Tau 0–8

E rapu ana mātou i tētahi kaiako ngākau nui, pukumahi hoki hei whakaako i ā tātou tamariki i roto i te whānau Purapura, Ngā Tau 0–2, Heoi, e pai ana te korero mena he kaiako mō tētahi atu taumata ako. Ko te tino kaitono he tangata e matatau ana ki te reo Māori me ōna tikanga, e ū ana ki te kounga o te whakaako, ā, e hiahia ana hoki ki te mahi ngātahi ki roto i tētahi tīma kaiako kaha, tautoko hoki. He kura motuhake a Te Kura ō Te Pāroa e ū ana ki te reo Māori, ki te mātauranga o Ngāti Awa me ngā tikanga o te kura. E whanake tonu ana mātou i tā mātou whakamahinga o Aka Mātauranga (High Impact Teaching Practices), kia mārama, kia whai tikanga, kia whai hua hoki te whakaako mā roto tonu i te reo Māori. Ka tautokohia ngā kaiako ki te whakawhanake tonu i ā rātou mahi whakaako, tae atu ki te whakaako mārama, ngā tikanga whakauru i ngā ākonga katoa, te arotake auau, ngā mahinga akomanga tōtika me ngā rautaki e hāngai ana ki te āhua o te ako me te maumahara o te tamaiti. Mēnā e ngākau nui ana koe ki te reo Māori, ki ngā tamariki, ki te ako tonu hoki hei kaiako, nau mai, tukuna mai tō tono. He pai pea, tēnei tūranga mō tētahi kaiako tīmata.