Kaiako Kura Teina

E tū te huru pango, nau mai, rāhiri mai! Tēnei te karanga a Te Kura Kaupapa Māori o Te Rāwhitiroa ki ngā kaiako pakari. Ko te rapu mātou i tētahi toki e mātau mārika ana ki te whakaako tauira ki te kura teina (1-8), ā, e pai ana tō mahi whakawātea kaiako mō o rātou wā wātea puta noa i te Kura Teina. Māna te hinengaro pakirehua māori e whakaihiihi kia tupu te mahira, kia tupu te aronui ki te ako. Pēnā e ngākaunui ana koe ki ngā tamariki, e mātau ana ki ngā marau katoa, e matatau ana ki te reo Māori, ā, e mārama ana ki te whakatinanatanga o Te Aho Matua o ngā KKM o Aotearoa, ko koe te momo e rapu nei mātou. Me māori ō hakaaro, ō tikanga, tō kawe hoki i a koe. Ka mutu, ko ngā taitamariki tonu te tūāpapa, te take e tono nei koe ki tēnei tūranga kaiako wā wātea. Mehemea e whaitake ana ēnei kupu ki a koe, he nui tō hiahia ki te whāngai i tō mātauranga ki tēnei reanga; ki te hakapakari i ō rātou pūmanawa, i ō rātou pūkenga, ā, he nanakia tō momo āhuatanga hakaako e rata atu ai rātou ki te kai i ōu ringaringa - me mutu te takaroa. Tonoa mai āu kōrero, tō tātai pūmanawa.