Pouako Kura Tuatahi Tau 1-8

E kimi ana mātou i tētahi Pouako hihiri, ngākau nui, matatau hoki ki te reo Māori hei whakauru mai ki tō mātou whānau kura, ki te whakaako i roto i tō mātou rāngai Kura Tuatahi. Ko Te Aho Matua te tūāpapa o tō mātou kura, ā, e ū ana mātou ki te whakatipu i ā mātou tamariki i roto i te reo Māori, i ngā tikanga Māori, me ngā uara e poipoi ana i te oranga me te tuakiri o te tamaiti. E rapu ana mātou i tētahi Pouako: E matatau ana ki te reo Māori E mārama ana, e ū ana hoki ki ngā mātāpono me ngā uara o Te Aho Matua. E ngākau nui ana ki te whakaako, ki te poipoi hoki i ngā tamariki. E āhei ana ki te whakamahere me te whakahaere i ngā hōtaka ako e hāngai ana ki Te Marautanga o Te Aho Matua. E whakapono ana ki te ako mā roto i te ao Māori, te taiao, ngā pūrākau, ngā tikanga me ngā mātauranga tuku iho. E kaha ana ki te whakawhanaunga ki ngā tamariki, ngā kaimahi, ngā mātua me te whānau whānui o te kura. E āhei ana ki te mahi ngātahi ki tētahi rōpū. Tīmatanga: 25/01/2027 Momo tūranga: Wā kikī Wāhi: Ōtautahi, Waitaha Rā kati: 12/11/2026 Mēnā e hiahia ana koe ki te whai wāhi ki tō mātou whānau kura me te tautoko i te whakatipuranga o ngā tamariki e tū pakari ana i roto i tō rātou reo, tō rātou ao me tō rātou Māoritanga, tēnā tukuna mai tō tono. Mō ētahi atu kōrero, mō te tono rānei: Moirena Manihera moirena@whakapumau.ac.nz 03 377 1436