Pouāwhina

E kimi ana mātou i tētahi Pouāwhina hihiri, ngākau nui, matatau hoki ki te reo Māori hei whakauru mai ki tō mātou whānau kura, ki te tautoko i ngā pouako me ngā tamariki o tō mātou rāngai Kura Tuatahi. Ko Te Aho Matua te tūāpapa o tō mātou kura, ā, e ū ana mātou ki te whakatipu i ā mātou tamariki i roto i te reo Māori, i ngā tikanga Māori, me ngā uara e poipoi ana i te oranga me te tuakiri o te tamaiti. E rapu ana mātou i tētahi Pouāwhina: E matatau ana ki te reo Māori. E mārama ana, e ū ana hoki ki ngā mātāpono me ngā uara o Te Aho Matua. E ngākau nui ana ki te tautoko, ki te āwhina, ki te poipoi hoki i ngā tamariki. E āhei ana ki te tautoko i ngā pouako ki te whakatinana i ngā hōtaka ako e hāngai ana ki Te Marautanga o Te Aho Matua. E whakapono ana ki te ako mā roto i te ao Māori, te taiao, ngā pūrākau, ngā tikanga me ngā mātauranga tuku iho. E manawanui ana, e atawhai ana, ā, e aro nui ana ki ngā matea ako me te oranga o ia tamaiti. E kaha ana ki te whakawhanaunga ki ngā tamariki, ngā kaimahi, ngā mātua me te whānau whānui o te kura. E āhei ana ki te mahi ngātahi ki tētahi rōpū me te whai i ngā tohutohu a ngā pouako. Tīmatanga: 25/01/2027 Momo tūranga: Wā kīkī Wāhi: Ōtautahi, Waitaha