Kaiako Toi Puoro - Wharekura

E kimi ana mātou o Te Kura Kaupapa Māori o Te Whānau Tahi, ki tētahi kaiako pukunanaiore, hei pīkau i te haepapa o te kaiako Toi Puoro ki tō mātou Wharekura. Me kirikawa te kaiako nei ki te reo me ōna tikanga, waihoki, kia mātua waia tonu ia ki ngā mātāpono me ngā uara o Te Aho Matua. Hei tāpiritanga ake, me mōhio hoki te kaiako ki te marau o Te Kura Kaupapa Māori, ka mutu, mena rānei e taea ana e te kaitono te marau te rāwekeweke ki tāna e pai ai, kia auaha me te whakaako i te taha o tētahi atu, ko te painga atu tēnā. Wheoti, ki te whakapono mai ko koe tēneki e kimi ana mātou, tukuna mai tō tātai pūmanawa.